ලෝක ඉතිහාසයේ විශාලම තෙල් ගිවිසුම ඇමරිකාව සහ වෙනිසියුලාව අතර අත්සන් කෙරේ: 'විත්ති' ලෝක පුවත්

වෙනිසියුලාවේ පවතින බැරල් බිලියන 65ක දැවැන්ත බොරතෙල් සංචිතයක බහුතර පාලන බලය ඇමරිකාවට හිමිකර දෙමින් "ලෝක ඉතිහාසයේ විශාලම තෙල් ගිවිසුම" අත්සන් කළ බව ඇමරිකානු ජනාධිපති ඩොනල්ඩ් ට්‍රම්ප් නිල වශයෙන් ප්‍රකාශ කර තිබේ. ගිවිසුමේ ප්‍රධාන කරුණු මෙසේය: * ඇමරිකානු තෙල් සංචිත දෙගුණ වෙයි: වෙනිසියුලාවේ උපායමාර්ගික තෙල් නිධි 17ක පාලනය මෙමගින් ඇමරිකාවට හිමිවන අතර, මේ හරහා ඇමරිකාවේ සමස්ත තෙල් සංචිතය එක රැයින් දෙගුණයකට වඩා වැඩි වෙයි. * වසර 100ක පාලන බලය: අලුතින් පිහිටුවන ඒකාබද්ධ පෞද්ගලික සමාගම හරහා මෙම තෙල් නිධි කැණීමේ වසර 100ක අයිතිය ඇමරිකාවට හිමිවන අතර එහි 55%ක ලාභ කොටස් ඇමරිකාව සතු වේ. * බදු සහ ආයෝජන: මෙම ව්‍යාපෘතිය හරහා වෙනිසියුලාවට ඩොලර් බිලියන 100ක පෞද්ගලික ආයෝජන ගලා එන අතර, වෙනිසියුලා රජයට ඩොලර් බිලියන 209ක බදු ආදායමක් හිමිවීමට නියමිතය. ඉරාන-ඇමරිකානු යුද වාතාවරණය හේතුවෙන් මේ වන විට ඇමරිකාව තුළ ඉන්ධන මිල ශීඝ්‍රයෙන් ඉහළ යමින් පවතී. මෙම ගිවිසුම හරහා ඇමරිකානු ජනතාවට ඉතා අඩු මිලට ඉන්ධන ලබා දීමට හැකි වන බව ජනාධිපති ට්‍රම්ප් පවසයි. පසුගිය වසරේදී වෙනිසියුලා හිටපු ජනාධිපති නිකොලස් මදුරෝව ඇමරිකානු හමුදා විසින් අත්අඩංගුවට ගැනීමෙන් පසු එරට පාලනය භාරගත් නව අන්තර්කාලීන රජය සමඟ ඇමරිකාව මෙම ගිවිසුමට එළඹ තිබේ.

ලෝක ප්‍රවෘත්ති  වෙතින් උපුටා ගන්නා ලදී.